Pagdating

Darating din siya.Ang tao'ng magpapangiti sa bawat malungkot na sandali. Darating din siya. Ang taong hahawak sa yung kamay habang kinakabahan kang harapin ang bawat problema. Darating din siya. Ang taong kaya kang pasayahin sa pinaka-simpleng paraan na alam niya. Darating din siya. Ang taong pagpapaintindi sa iyo kung bakit hindi ka napunta sa iba. Darating din siya. Ang taong yayakapin ka sa bawat sandaling alam mong yun lang kailangan upang makalma ang utak mo.

Oo, darating siya. Alam kong mahirap paniwalaan pero manalig ka, darating siya.
Ngayong araw na ito, marahil ika'y umiiyak, nalulungkot, napapagod at naiisip mong nasaan na siya, nasaan na ba ang tila isang libong taon na paghihintay sa kanya. Pero tandaan mo, ang Plano ng Diyos ay perpekto, kaya manalig ka. Darating siya, ang taong itinakdang pasayahin ka, ang taong aalagaan ka, ang taong sasabayan ka sa tawa at iyak ng buhay, ang taong handang magsakripisyo para sa inyong dalawa. Darating din ang taong tatanggapin ka sa lahat-lahat kahit ano ka pa. Maniwala ka, ito ang sinasabi ko, darating din ang taong magmamahal sayo.

Kaya punasan na ang bawat luha mo, tumayo at ipagpatuloy ang lakbay ng paghihintay sa kanyang pagdating. Bawat hakbang ay isang pagkakataon sa inyong pagkikita, maghanda ka na, paparating na siya.